ԵՐԵՎԱՆ, 30 մարտի — Sputnik. Գլխավոր մարզիչ Հակոբ Սերոբյանը նշեց, որ շատ գոհ է տղաների ելույթներից, նրանք կատարեցին իրենց առջև դրված բոլոր խնդիրները:
Գավաթից առաջ Դոհայում հայ մարզիկները հավաք են անցկացրել, ինչը դրական է անդրադարձել նրանց ֆիզիկական վիճակի վրա։
«Այս գնահատականները մեդալ են ապահովում թե՛ աշխարհի առաջնությունում, թե՛ Օլիմպիական խաղերում: Ինչ վերաբերում է Արթուր Դավթյանին, մենք հատուկ նպատակ չունեինք, որ նա անպայման մեդալ նվաճի Դոհայում: Նա ներկայացավ բոլոր գործիքների վրա և շատ լավ կատարեց իր առաջին ցատկը, երկրորդ ցատկի ժամանակ սխալ թույլ տվեց, ուրախ եմ, որ ճիշտ կողմնորոշվեց և առանց վնասվածքի ավարտեց ցատկը: Չորրորդ տեղն էլ վատ արդյունք չէր, նա շատ քիչ է զիջել մրցանակակիրներին: Արթուրի հետ կապված՝ էականը Ռիոյում կայանալիք Թեսթ իվենթն է, որտեղ պետք է հաստատենք մեր նվաճած ուղեգրերը»,- ասաց Սերոբյանը:
Դոհայում կայացած աշխարհի Գավաթի 9-րդ խաղարկությունում Հարություն Մերդինյանը նժույգթափերում գրավել էր առաջին տեղը, օղակների վարժությունում Վահագն Դավթյանը նվաճել էր արծաթե, իսկ Արթուր Թովմասյանը` բրոնզե մեդալ:
