ԵՐԵՎԱՆ, 29 մարտի — Sputnik. Հայաստանում գտնվող «Կամխուդ» բարձր լեռնային զորավարժարանում սկսվել են Հարավային ռազմական օկրուգի ռուսական ռազմակայանի ռադիոէլեկտրոնային պայքարի (ՌԷՊ) ստորաբաժանման դաշտային պարապմունքները:
Ուսումնական միջոցառումները կանցկացվեն զորամիավորման ՌԷՊ ծառայության պետ, փոխգնդապետ Իգոր Պոպովի ղեկավարությամբ: Հայաստանի լեռներում ՀՌՕ զինծառայողները պարապմունքների ընթացքում կյուրացնեն ռադիոԷլեկտրոնային պայքարի «Ինֆաունա» ժամանակակից համալիրները, որոնք զորամասի սպառազինությունը համալրել են 2015 թվականի կեսին։
Տարբեր ռեժիմներում և կլիմայական պայմաններում ՌԷՊ-ի ստորաբաժանումը կիրականացնի միավորման զինանոցում առկա «Նավոդչիկ» և «Օռլան» համալիրների անօդաչու թռչող սարքերի որոնում:
