Հայրենիք վերադարձած գործարար Իմեդը խոստովանել է, որ շատ ուրախ է հայրենիք վերադառնալու համար, նա վերաբացել է խանութն ու վերադարձել տուն։ «Երբ մենք փախչում էինք, չէինք կարող կանգնել և հետ նայել։ Երբ մենք փախչում էինք, ամեն ինչ փլուզվում էր», — պատերազմն է հիշում Իմեդը։
Տեղի որոշ ընկերությունների ՄԱԿ-ի ԳԿՎ-ն դրամաշնորհներ է հատկացրել, դրանք նախնական ֆինանսական աջակցություն են գործարարներին բիզնեսը վերականգնելու համար։ Վաճառական Նիզերայի խոսքով` օգնությունը շատ տեղին էր։
«Ասում են, որ փոքր քարը կարող է հսկա ժայռ պահել։ Սա իմ փոքրիկ քարն է։ Այն ինձ օգնեց առաջին քայլն անել։ Իհարկե, ես ստիպված եղա էլի գումար պարտք վերցնել, սակայն ինձ մոտ ամեն ինչ լավ է, ամեն ինչ ստացվում է», — ասել է նա։
Հոմս քաղաքի պաշարումը շարունակվել է 2011 թվականի մայիսից մինչև 2014 թվականի մայիս, որի ընթացքում թեժ պայքար էր ընթանում ընդդիմության գրոհայինների ու կառավարական զորքերի միջև։ Բացի այդ քաղաքի վրա հարձակումներ են իրականացրել «Իսլամական պետություն» ահաբեկչական խմբավորման ահաբեկիչները։
Սիրիայում հրադադարի ռեժիմն ուժի մեջ է մտել փետրվարի 27-ին։ Հրադադարը չի տարածվում Ռուսաստանում և մի շարք երկրներում արգելված «Իսլամական պետություն», «Ջեբհաթ ան Նուսրա» ահաբեկչական կազմակերպությունների և այլ խմբավորումների վրա, որոնք ՄԱԿ Անվտանգության խորհրդի կողմից ահաբեկչական են ճանաչվել։
