ԵՐԵՎԱՆ, 29 մարտի- Sputnik. Egypt Аir-ի ինքնաթիռն առևանգած տղամարդու գործողությունները կարող են քաղաքական դրդապատճառներ ունենալ, նա պահանջել է Եգիպտոսի բանտերից ազատ արձակել կին բանտարկյալներին, հայտնում է ՌԻԱ Նովոստին` հղում անելով Կիպրոսի RIK պետական հեռուստաընկերությանը։
«Առևանգողը պահանջում է ազատ արձակել մի քանի կին բանտարկյալների, որոնք գտնվում են Եգիպտոսի բանտերում։ Դա նամակում շարադրված պահանջներից մեկն է»,- հաղորդել է հեռուստաընկերությունը։
Նա պահանջում է կապ հաստատել Եվրամիության ներկայացուցչի հետ։
Լրատվամիջոցների տեղեկությամբ` անհայտ անձը մարտի 29-ին առևանգել է Egypt Air-ի ինքնաթիռներից մեկը, պահանջել, որ ինքնաթիռն իջեցնեն Թուրքիայում, սակայն օդաչուն հրաժարվել է կատարել պահանջը` ասելով, որ ինքնաթիռում բավականաչափ վառելանյութ չկա։ Առևանգողն ինքնաթիռի անձնակազմին ու ուղևորներին սպառնացել է մահապարտի գոտիով, պահանջել փոխել ուղղությունը և ինքնաթիռն իջեցնել Լարնակայի օդանավակայանում։ Այնուհետև ազատ է արձակել ուղևորներին և եգիպտացի օդաչուի միջոցով բանակցություններ վարել իշխանության հետ։
