ԵՐԵՎԱՆ, 29 մարտի- Sputnik. Լապոչկինի անվան հաղորդակցության ուղիների տեխնիկումը հանդես է եկել խորհրդային զորահրամանատար, հռչակավոր մարշալ Հովհաննես Բաղրամյանի հուշարձանն Օրյոլ քաղաքում տեղադրելու նախաձեռնությամբ, քանի որ Բաղրամյանն է ծրագրել ու իրականցրել Օրյոլը ֆաշիստական զավթիչներից ազատագրելու գործողությունը, գրում է Օրյոլի շրջանի պաշտոնական կայքէջը։
Տեխնիկումի դասախոսներն ու ուսանողները որոշել են ուղղել պատմական անարդարությունը և հավերժացնել Օրյոլն ազատագրողի` ԽՍՀՄ կրկնակի հերոս, Լենինի յոթ շքանշանի ասպետ, Խորհրդային Միության մարշալ Հովհաննես Բաղրամյանի հիշատակը։
Հայերն աշխարհին Խորհրդային Միության հինգ մարշալ են տվել` Հովհաննես Բաղրամյան, Համազասպ Բաբաջանյան, Իվան Իսակով, Սերգեյ Խուդյակով, Սերգեյ Ագանով (Ագանյան)։
