ԵՐԵՎԱՆ, 29 մարտի — Sputnik. Առավոտյան ժամը 07:00–ի դրությամբ Ջերմուկում ձյան ծածկի բարձրությունը կազմում է 47սմ, Սևանում` 16սմ, Տաշիրում և Գյումրիում` 13սմ, Հրազդանում և Ապարանում` 15սմ, Ֆանտանում` 10սմ, Արթիկում` 9սմ:
«Բագրատաշենում, Տաշիրում, Ապարանում, Ֆանտանում, Կապանում և Գորիսում գիշերը թափվել է ամսական նորմայի 60-90%-ի չափ տեղումներ: Կեսօրից հետո ցիկլոնը կկորցնի իր ուժը, և տեղումները հանրապետության տարածքում աստիճանաբար կդադարեն»,- ֆեյսբուքյան իր էջում գրել է ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը
Մարտի 30-ին սպասվում է առանց տեղումների եղանակ, 31-ին կեսօրից հետո թույլ տեղումներ կլինեն Լոռիում, Տավուշում, Սյունիքում և Արցախում, Ապրիլի 1-2-ին կրկին սպասվում է առանց տեղումների եղանակ:
Քանի որ առաջիկա օրերին հանրապետության տարածքը գտնվելու է հյուսիսային սառը օդային հոսանքների ազդեցության գոտում, եղանակի տաքացում չի կանխատեսվում, օդի ջերմաստիճանը Արարատյան դաշտում և Երևանում գիշերը կտատանվի +1-ից +2, ցերեկը +11-ից +13 աստիճանի սահմաններում:
