ԵՐԵՎԱՆ, 28 մարտի — Sputnik. Ամուրի շրջանում «Ռոսիա» ճեպընթաց գնացքի երեք վագոնների ապակիները հավանաբար քարերով են վնասվել, այս մասին հայտնել է Ռուսաստանի ՆԳՆ տրանսպորտի հարցերով զբաղվող Անրդբայկալյան գծային վարչության մամուլի ծառայության ներկայացուցիչ Մարինա Սոկոլովան:
«Հիմնական վարկածն այն է, որ վագոնների ուղղությամբ քարեր են արձակել պարսատիկներից, սա դեռահասների անկարգությունների հետևանքն է: Օդամղիչ ատրճանակի կասկած գրեթե չկա: Սա այն է, ինչ կարելի է ասել ներկա պահին, օպերատիվ-հետախուզական աշխատանքները շարունակվում են», — ասել է Սոկոլովան:
Ինչպես ավելի վաղ հայտնել էին, իրավապահների տվյալներով` մարտի 26-ին Մոսկվայի ժամանակով ժամը 14:20-ին Ամուրյան մարզի Սերիշևյան շրջանի Արգա կայարանի հերթապահը ոստիկանություն էր հայտնել այն մասին, որ վնասվել են «Ռոսիա» ճեպընթացի երեք վագոնների ապակիները: Գնացքն ընթանում էր Մոսկվա-Վլադիվոստոկ երթուղով: Ուղևորները չեն տուժել, գնացքների աշխատանքները չեն դադարեցվել:
