Զատկին նախորդող շաբաթ օրը նկարիչները ցուցահանդես էին բացել

Այստեղ են և՛ Ադամն ու Եվան, և՛ կանացի սկիզբը, որը մինչ օրս այդքան գերում է տղամարդկանց, և՛ բնությունն` իր տարբեր դրսևորումներով, և՛ անցյալի ու ներկայի բախումը:

Նկարիչների միության շենքի աստիճանները բերեցին երրորդ հարկ, որտեղ մարդկանց թիվն ավելանում էր, դրան զուգահեռ` օդը պակասում: Ցուցահանդեսն անանուն է, առանց լուսամուտների այս լուսավոր սրահում հավաքվել էին արվեստի սիրահարները: Սրանք Դալիի կամ Կարավաջոյի կտավները չեն, այլ հայ նկարիչների, որոնք ստեղծվել են հավերժ «լինե՞լ, թե՞ չլինել» հարցի ոճով:

«Այստեղ ներկայացված է կնոջ էությունը, կնոջ քմահաճ լինելը, եսասիրությունը և այն, որ հենց կինն է ըստ էության ղեկավարում տղամարդուն ու աշխարհը», - Sputnik Արմենիայի թղթակցի հետ զրույցում նշեց նկարիչ Գևորգ Մխիթարյանը:

Աստվածաշնչյան թեմաներով արված կտավների դիմաց Մհեր Էվոյանի նկարներն են, որոնցում խիստ նկատելի է կարոտն անցյալի նկատմամբ: Դա ակնհայտ է և՛ մարդկային դեմք ունեցող կոշիկին, և՛ ձմռան մասին մտորող տաք վերմակի մեջ փաթաթված մերկ կնոջը նայելիս:

70-80-ականների նկարիչների ստեղծագործությունների ցուցահանդես

Սենյակի երկրորդ մասում աշխարհի բազմազանությունը կամ գոյության քաոսը պատկերող կտավներն են: Իրենց գունային երանգներով դրանք համադրվում են դիմանկարների հետ:

70-80-ականների նկարիչների ստեղծագործությունների ցուցահանդես