ԵՐԵՎԱՆ, 24 մարտի — Sputnik. Երևան-Մոսկվա չվերթն իրականացնող ինքնաթիռը դեռ օդ չի բարձրացել, սակայն պատրաստվում է թռիչքի, Sputnik Արմենիայի թղթակցին հայտնեց Քաղավիացիայի գլխավոր վարչության մամուլի խոսնակ Ռուբեն Գրձելյանը։
Նշենք, որ ինքնաթիռի թռիչքն ի սկզբանե նախատեսված էր 20։45-ին, հետո երկու անգամ հետաձգվեց` նշանակվելով 21։10-ին, այնուհետև` 21։30-ին։
Գրձելյանի խոսքով` օդանավակայանում դեռ ընթանում են որոնողական աշխատանքները, օդանավը ևս կստուգի, ինչից հետո կիրականացնի չվերթը։
Հիշեցնենք, որ այսօր «Զվարթնոց» օդանավակայան տեղեկատվություն էր ստացվել, որ օդանավակայանի տարածքում, մասնավորապես Երևան-Մոսկվա չվերթն իրականացնող ժամը 20։45-ի ինքնաթիռում, պայթյուն է տեղի ունենալու:
