Հինգշաբթի ահազանգ է ստացվել Երևան-Մոսկվա չվերթն իրականացնող ինքնաթիռում ծրագրվող պայթյունի մասին։ Ազգային անվտանգության ծառայությունը, Արտակարգ իրավիճակների նախարարությունը և Ոստիկանությունը օդանավակայանում արտակարգ խորհրդակցություն են հրավիրել` կապված ռումբի մասին տեղեկության հետ։
Տվյալ պահին ստուգումների արդյունքում ոչինչ չի հայտնաբերվել, սակայն տեղեկատվության կեղծ լինելու մասին հայտարարություն նույնպես չի եղել։ Ոստիկանության աշխատակիցները շարունակում են ստուգել օդանավակայանի տարածքը։
