ԵՐԵՎԱՆ, 24 մարտի — Sputnik. «Զվարթնոց» օդանավակայանում ժամը 20։45-ին նախատեսված Երևան-Մոսկվա չվերթը նորից է հետաձգվել, այս անգամ` մինչև 21։30-ը, հաղորդեց Sputnik Արմենիայի թղթակիցն օդանավակայանից։
Առաջին անգամ չվերթը հետաձգվել էր մինչև 21։10։
Հիշեցնենք, որ այսօր «Զվարթնոց» օդանավակայան տեղեկատվություն էր ստացվել, թե օդանավակայանի տարածքում, մասնավորապես Երևան-Մոսկվա չվերթն իրականացնող ժամը 20։45-ի ինքնաթիռում, պայթյուն է տեղի ունենալու:
Այս պահին իրավապահ մարմիններն օդանավակայանում որոնողական աշխատանքներ են իրականացնում։
Ի դեպ, Մոսկվայից ժամանող չվերթը շուտով վայրէջք կկատարի «Զվարթնոց» օդանավակայանում։
