ԵՐԵՎԱՆ, 24 մարտի — Sputnik. «Զվարթնոց» օդանավակայանում այս պահի դրությամբ որևէ չվերթ հետաձգելու մասին որոշում չկա, ոչ մի չվերթ չի հետաձգվելու, լրագրողներին ասաց ՀՀ ԱԻՆ փրկարար ուժերի վարչության պետ Արսեն Արշակյանը։
Նա լրագրողներին հորդորեց խուճապ չստեղծել, ասաց որ ոչ մի հստակ բան դեռ չի կարող հայտնել, այժմ որոնողական աշխատանքները շարունակվում են։
Հիշեցնենք, որ այս պահին «Զվարթնոց» օդանավակայանում ընթանում է իրավապահ մարմինների աշխատակիցների խորհրդակցություն` Երևանի փրկարար ծառայության պետ Մուշեղ Ղազարյանի գլխավորությամբ։
Խորհրդակցությունը հրավիրվել է` կապված օդանավակայան ստացված այն տեղեկատվության հետ, թե օդանավակայանի տարածքում պայթյուն է տեղի ունենալու:
