ԵՐԵՎԱՆ, 24 մարտի — Sputnik. ԱԻՆ-ի տեղեկատվության և հասարակայնության հետ կապերի վարչությունից Sputnik Արմենիային հայտնեցին, որ նախարարությունը ինքնաթիռում ռումբի առկայության մասին ահազանգ չի ստացել։
«Մենք ունենք տեղում հերթապահող երկու ավտոմեքենա։ Մենք համագործակցում ենք իրավապահ մարմինների հետ».- ասաց ծառայության ներկայացուցիչը` ավելացնելով, որ ԱԻՆ-ի խմբերը դեպքի վայր են մեկնել իրավապահների ստացած ահազանգի վրա։
Որոշ լրատվամիջոցներ հայտնում են, որ իրավապահ մարմիններն օպերատիվ տեղեկություն են ստացել, որ այսօր Երևան-Մոսկվա թիվ 558 չվերթի ինքնաթիռը պայթելու է: Ինքնաթիռը պետք է մեկնի ժամը 20:45-ին:
