ԵՐԵՎԱՆ, 23 մարտի — Sputnik. «Բելգիայի իշխանությունների տեղեկատվության համաձայն այս պահի դրությամբ զոհվածների թվում ՀՀ քաղաքացիների չկան»,- հայտնում է Բելգիայում Հայաստանի դեսպանությունը։
Ֆեյսբուքյան էջում հրապարկված մեկ այլ հայտարարության մեջ էլ ասվում է.
«Բրյուսելի օդակայանից վաղը`մարտի 24-ին, ուղևորափոխադրումներ չեն իրականացվելու: Չվերթերի մասին տեղեկատվության համար դիմեք ավիաուղիներին»։
Մարտի 22-ին երկու պայթյուն է որոտացել Բրյուսելի միջազգային օդանավակայանում։ Երկրի իշխանությունները կարծում են, որ պայթուցիկ սարքերից մեկը կարող էր գործարկել մահապարտ-ահաբեկիչը։ Երրորդ պայթյունը գրանցվել է Մալբեկ կայարանում` գնացքում։ Բելգիայի վարչապետը պայթյուններն ահաբեկչական գործողություններ է որակել։ Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը։
