Շաոլինի վանականները կունգ-ֆուի հմտություններ են ցուցադրում Սունշան լեռան վրա:
Շաոլինը Չինաստանի կենտրոնում գտնվող բուդդայական վանք է, որը տեղակայված է Սունշան լեռան վրա։ Այդ տեղում դեռ V դարի սկզբին դաոսական վանք կար, սակայն ավելի ուշ այն զբաղեցրին բուդդիստները։
620 թվականին շաոլինյան վանականները Լի Շիմինյուին (599-649) օգնեցին մնալ գահին, ու վանքը զորք պահելու թույլտվություն ստացավ։ Այդպիսով Շաոլինը դարձավ տոհմի վերականգնման հիմնաքարն ու ճանաչում ձեռք բերեց որպես ռազմարվեստի կենտրոն։
1928 թվականին հրամանատար Շի Յուսանն այրեց Շաոլին վանքը։ Ոչնչացվեցին բացառիկ գրություններ, օրինակ` Չժան Սանֆենի տրակտատը, որը Տայցզիցյուանի աղբյուր էր համարվում։ Այն ժամանակ վանքում արդեն վարպետներ չկային։
Քանի որ վանքն ավերված էր մնացել գրեթե կես դար, վանքի ավանդույթները վերադարձնելու հետ կապված խնդիրներ առաջացան, քանի որ Երկրորդ համաշխարհային պատերազմից հետո վանքի ավերակներում 7 վանական էր բնակվում, որոնցից միայն երեքն էին ծանոթ շաոլինյան ռազմարվեստին։ Չինաստանի իշխանությունը վանքի վերածնման գործում ներգրավեց ուշուի մի շարք վարպետների, ովքեր թեկուզ փոքր-ինչ ծանոթ էին Շաոլինի ավանդույթներին։
Այսօր վանքում ռազմարվեստի դպրոցներ են գործում նաև օտարերկրյա զբոսաշրջիկների համար։
