ԵՐԵՎԱՆ, 23 մարտի — Sputnik. Բելառուսի պատվիրակությանը դիմավորեց Հայաստանի սպորտի և երիտասարդության նախարար Գաբրիել Ղազարյանը։ Նա հայտնեց, որ Բելառուսն ուզում է շախմատը ներդնել կրթական ծրագրում և ակնկալում է հայկական կողմի աջակցությունն այս հարցում։
«Դեռ 2011 թվականին Հանրապետության նախագահի նախաձեռնությամբ շախմատը պարտադիր կրթական առարկա դարձավ։ Կարող եմ ասել, որ դա ուժ է և դրական նշանակություն ունի երեխայի պոտենցիալի զարգացման ուղղությամբ»,-ասաց Գաբրիել Ղազարյանը։
![Габриэль Казарян принял делегацию белорусских коллег во главе с Александром Дубовским Габриэль Казарян принял делегацию белорусских коллег во главе с Александром Дубовским - Sputnik Արմենիա](https://cdn.am.sputniknews.ru/img/256/06/2560659_0:0:1600:987_600x0_80_0_0_c348964ff58c3b11357d47a7ce4a613b.jpg)
Ի պատասխան` Ալեքսանդր Դուբկովսկին նկատեց, որ շախմատով զբաղվող երեխաները կյանքում էլ անում են ռազմավարական քայլեր, որոնք օգնում են նրանց։
«Մենք այս հարցում սկսնակ ենք, և այդ պատճառով էլ դիմել ենք ձեզ` որպես ոլորտում լավագույն փորձառություն ունեցող երկրի։ Հայաստանը հիանալի է ներկայանում այս մարզաձևում»,-ասաց Բելառուսի սպորտի և տուրիզմի նախարարի տեղակալ Ալեքսանդր Դուբկովսկին։
Վերջում նա տեղեկացրեց, որ պատվիրակությունը պետք է ղեկավարեր Բելառուսի սպորտի և տուրիզմի նախարարը, սակայն նա զբաղված է Ռիո դե Ժանեյրոյում ամռանը կայանալիք Օլիմպիական խաղերին երկրի մասնակցության հարցերով։