ԵՐԵՎԱՆ, 22 մարտի – Sputnik. Բելգիայում Հայաստանի Հանրապետության դեսպանատունը հայտնում է որ Բրյուսելում ահաբեկչությունից տուժած ՀՀ քաղաքացիների համար գործում է թեժ գիծ հետևյալ հեռախոսահամարով՝ +32.2.3484406:
Քանի որ Բրյուսելի օդանավակայանի աշխատանքը դադարեցվել է, դեսպանատունը հորդորում է ՀՀ քաղաքացիներին չվերթերի մասին տեղեկատվություն ստանալու համար կապ հաստատել ավիաուղիների գրասենյակների հետ:
ԱԳՆ մամուլի խոսնակ Տիգրան Բալայանը հայտնել է որ Բրյուսելում ՀՀ դիվանագետները, քաղաքում գտնվող ԱԺ պատվիրակությունը չեն տուժել պայթյունների հետևանքով:
