ԵՐԵՎԱՆ, 21 մարտի- Sputnik. «Ռոսսիա սեգոդնյա» միջազգային լրատվական գործակալությունը ՅՈՒՆԵՍԿՕ-ի հարցերով ՌԴ հանձնաժողովի հովանու ներքո անցկացվող Անդրեյ Ստենինի անվան ֆոտոլրագրության միջազգային մրցույթի աշխատանքների ընդունումը կավարտվի մարտի 22-ին Մոսկվայի ժամանակով 23։59-ին։
Մրցույթի ստեղծագործական ակտիվում արդեն միջազգային և ռուս երիտասարդ լուսանկարիչների ավելի քան 2 հազար աշխատանք կա։ Մրցույթի շրջանակում Ռուսաստանի, Եվրոպայի, Հյուսիսային և Հարավային Ամերիկայի, Ավստրալիայի, Հնդկաստանի, Հարավարևելյան Ասիայի, Մերձավոր Արևելքի, Աֆրիկայի երիտասարդ ֆոտոլրագրողները լուսանկարչության տարբեր տեխնիկաներ ցուցադրելու հնարավորություն են ստացել։
Մեր ժամանակի հերոսների դիմանկարներ, գավառական էսքիզներ, գունագեղ կամ միատոն տեսարաններ, կյանքի տարբեր իրավիճակների դրվագներ, քաղաքական և մարզական ռեպորտաժներ. ահա 2016թ.-ի մրցույթի թեման։
Հաղթողների անունները կհայտարարվեն 2016թ.-ի օգոստոսի 4-ին։ Պարգևատրման արարողությունը և մրցույթի հաղթողների աշխատանքների ցուցահանդեսը տեղի կունենա 2016թ.-ի օգոստոսի 30-ին Մոսկվայում։ Մասնակցության հայտերը դեռ կարելի է ներկայացնել stenincontest.ru կայքում։
Անդրեյ Ստենինի անվան ֆոտոլրագրության միջազգային մրցույթը նպատակ ունի աջակցել երիտասարդ լուսանկարիչներին և հասարակության ուշադրությունը բևեռել ժամանակակից ֆոտոլրագրության խնդիրներին։ Մրցույթը Ռուսաստանում միակ հարթակն է, որտեղ միջազգային ֆոտոհանրությունը ֆոտոլրագրողների նոր անուններ է բացահայտում։
2015թ.-ին մրցույթը երիտասարդ լուսանկարիչների լուսանկարչական «մարտերի» խոշորագույն հարթակ դարձավ` հավաքելով 54 երկրից շուրջ 5000 աշխատանք։ Մրցույթին մասնակցեցին երիտասարդներ չորս աշխարհամասերից` ներառյալ Եվրոպայի, Հյուսիսային և Հարավային Ամերիկայի, Աֆրիկայի, Մերձավոր Արևելքի, Հնդկաստանի և Հարավարևելյան Ասիայի երկրները։ Մրցույթի պարգևատրման հանդիսավոր արարողությունը տեղի ունեցավ Մոսկվայում, իսկ նրանց աշխատանքները ներկայացվեցին հասարակությանը Ռուսաստանի և արտասահմանի փառատոնային հարթակներում և ցուցահանդեսներում։
2016թ.-ին Անդրեյ Ստենինի անվան ֆոտոլրագրության միջազգային մրցույթն անցկացվում է խոշորագույն ռուսական և միջազգային ԶԼՄ-ների, տեղեկատվական գործակալությունների աջակցությամբ։ Մրցույթի գլխավոր տեղեկատվական հովանավորներն են «Ռոսիա-Կուլտուրա» պետական հեռուստաալիքը, KP.ru և «Ժուրդոմ» տեղեկատվական պորտալները և Russian Photo պորտալը։
Մրցույթի միջազգային տեղեկատվական գործընկերներն են Askanews և EFE լրատվական գործակալությունները, Independent Media մեդիահոլդինգը, Notimex գործակալությունը, RT պորտալը և հեռուստաալիքը, The Royal Photographic Society, Shanghai United Media Group (SUMG)-ը։ Ոլորտային տեղեկատվական գործընկերների կարգավիճակում մրցույթին աջակցում են Լուսանկարչության ակադեմիան, ԳեոՖոտո գործակալությունը, Photo-study.ru պորտալը, Մոսկվայի լրագրողների միությունը, ԶԼՄ-ների ուսանողական և երիտասարդական միությունը, YOung Journalists տեղեկատվական պորտալը և «Ֆոտոշքերթ Ուգլիչեում» փառատոնը։
