ԵՐԵՎԱՆ, 21 մարտի- Sputnik. Ծանրամարտի Հայաստանի հավաքականի անդամներ Հռիփսիմե Խուրշուդյանն ու Ռուբեն Ալեքսանյանը հաղթել են Ռուսաստանի նախագահի Գավաթի խաղարկությունում, հաղորդում է ՀԱՕԿ լրատվության բաժինը։
Կազանում ընթացող Գավաթի խաղարկության կանանց մրցաշարի +75 կգ քաշային կարգում Խուրշուդյանը պոկել է 110 կգ, իսկ հրում վարժությունում՝ 136 կգ, երկամարտի 246 կգ արդյունքով հայ ծանրորդը դարձավ Գավաթի խաղարկության հաղթող: Կանանց +75 կգ քաշին մասնակցում էր 3 ծանրորդ:
Ռուբեն Ալեքսանյանը (+105 կգ) պոկում վարժությունում գլխավերևում պահել է 189 կգ, իսկ հրում վարժությունում՝ 241 կգ և երկամարտի 430 արդյունքով դարձել Գավաթի խաղարկության հաղթող:
Նախօրեին 94 կգ քաշային կարգում Հայաստանի ներկայացուցիչ Առաքել Միրզոյանը երկամարտի 320 կգ արդյունքով զբաղեցրել է 5-րդ հորիզոնականը:
