ԵՐԵՎԱՆ, 19 մարտի — Sputnik. Boeing ինքնաթիռի ուղևորները հիմնականում ընտանիքներով են եղել, հայտնում է Россия24 հեռուստաընկերությունը:
Զոհված անձանց ցուցակն արդեն հրապարակվել է, և, ըստ հեռուստաընկերության թղթակցի, ամենափոքր ուղևորը 5 տարեկան է եղել:
Դուբայից Դոնի Ռոստով մեկնող Boeing 738 ինքնաթիռը կործանվել է Դոնի Ռոստովի օդանավակայանում վայրէջք կատարելու ժամանակ: Նախնական տվյալով՝ ողբերգությունը տեղի է ունեցել շաբաթ օրը, վաղ առավոտյան, Երևանի ժամանակով 04:40-ին: Ինքնաթիռը բախվել է գետնին և մի քանի մասի բաժանվել: Ինքնաթիռի 7 հոգանոց անձնակազմն ու բոլոր ուղևորները (55 մարդ) զոհվել են:
