ԵՐԵՎԱՆ, 19 մարտի — Sputnik. ՌԴ քննչական կոմիտեն հաստատել է, որ Դոնի Ռոստովում կործանված Boeing-ի ինքնագրիչներից մեկը հայտնաբերվել է, հայտնել է ՌԴ ՔԿ պաշտոնական ներկայացուցիչ Վլադիմիր Մարկինը:
«Սև արկղերի» որոնման աշխատանքները շարունակվում են: Բացի այդ, աշխատանքներ են տարվում զոհվածների մարմնի մասերը հայտնաբերելու ուղղությամբ:
Դուբայից Դոնի Ռոստով մեկնող Boeing 738 ինքնաթիռը կործանվել է Դոնի Ռոստովի օդանավակայանում վայրէջք կատարելու ժամանակ: Նախնական տվյալով՝ ողբերգությունը տեղի է ունեցել շաբաթ օրը, վաղ առավոտյան, Երևանի ժամանակով 04:40-ին: Ինքնաթիռը բախվել է գետնին և մի քանի մասի բաժանվել: Ինքնաթիռի 7 հոգանոց անձնակազմն ու բոլոր ուղևորները (55 մարդ) զոհվել են:
