ԵՐԵՎԱՆ, 17 մարտի- Sputnik. Թորոսյանը հայտնեց, որ թեև մինչև հիմա H1N1-ի եզակի դեպքեր արձանագրվում են Հայաստանում, ու մարդիկ առողջանում են, սակայն այս պահին ակտիվացել են այլ շնչառական վարակների հարուցիչները` ադենովիրուս, ռինովիրուս և այլն։
Նրա խոսքով` դրանք խնդիր են հիմնականում 0-2 տարեկան երեխաների համար, իսկ քանի որ եղանակը ցրտել է, դա էլ կնպաստի վիրուսների ակտիվացմանը` պայմանավորված մրսածության գորոծոնով։
Մինչև ապրիլ երկիրը գտնվելու է շնչառական վարակների սեզոնում, և նա հորդորեց` հագնվել եղանակին համապատասխան, չզբաղվել ինքնաբուժմամբ, գրիպի առաջին իսկ նշանների դեպքում դիմել բժշկի։ Նրա խոսքով` այս վիրուսները երկարատև բուժման կարիք ունեն, կարող է լինել տևական հազ կամ բրոնխիտ, այնպես որ պետք է ուշադիր լինել։
Բժիշկը նաև կոչ արեց ուշադիր լինել սննդի հարցում, քանի որ գարնանամուտ է, և հնարավոր են աղիքային վարակի դեպքեր` կապված վատ լվացած կանաչու կամ մրգի հետ։ Պետք է պահպանել սննդամթերքի պահպանման պայմանները, չգնել օրինակ` անհայտ ծագման սունկ։
