ԵՐԵՎԱՆ, 17 մարտի-Sputnik. Այսուհետ հիվանդության կամ խեղման ու վնասվածքի պատճառով զորացրված անձինք, ովքեր բժշկասոցիալական փորձաքննության արդյունքում հաշմանդամության կարգ չունեն, միևնույն է, կարող են օգտվել անվճար բուժսպասարկումից։ Սոցիալական ապահովության նախարարության գնահատմամբ` այս ծրագրից կարող է օգտվել տարեկան 70-90 անձ։
«Նախկինում այդ պատճառով զորացրվածները, գործող օրենսդրության համաձայն, չէին օգտվում պետությունից երաշխավորված անվճար ու արտոնյալ պայմաններով բժշկական օգնությունից և սպասարկումից»,- ասաց Արտեմ Ասատրյանը։
Նախարարն ավելացրեց նաև, որ լսել են այս ուղղությամբ հնչող քննադատությունները և օրենքում փոփոխություններ արել։
