ԵՐԵՎԱՆ, 17 մարտի — Sputnik. Լևոն Յոլյանը վստահեցնում է, որ այս պահին Հայաստանում գազի գնի սակագնի վերաբերյալ բանակցություններ են ընթանում աշխատանքային առողջ մթնոլորտում։ Այն հարցին, թե ռուսական կողմի դիրքորոշումն ինչպիսին է, Լևոն Յոլյանը պատասխանեց` ամեն ինչ բիզնեսի օրենքների տրամաբանությամբ։
«Երբ մեկը մի բան է վաճառում, մյուսը գնում է, մեկը շահագրգռված է մաքսիմալ գինը իջեցնել, մյուսը ինչ-որ չափով իր շահերը ներկայացնել»,-ասաց Լևոն Յոլյանը։
Նախարարը մի ճշգրտում արեց` բանակցություններն ընթանում են այն ուղղությամբ, որ սակագներն իջնեն բնակիչների համար։ Սա պատասխանն էր հարցին` գազի գինը կիջնի միայն սահմանին, թե՞ փոփոխությունը կգործի նաև բնակիչների համար։
Մարտի 10-ին կառավարությունը հավանություն է տվել «ՌԴ-ի և ՀՀ-ի կառավարությունների միջև 2013թ.-ի դեկտեմբերի 2-ին բնական գազի գազագոյացման մասին 2013թ.-ի դեկտեմբերի 2-ին համաձայնագրում փոփոխություններ կատարելու մասին», որի համաձայն` 1000 խմ գազի համար 165 դոլար սակագինը կպահպանվի մինչև 2016թ.-ի ապրիլի 1-ը։
