ԵՐԵՎԱՆ, 17 մարտի-Sputnik. Մարտի 27-ին Հայ Առաքելական եկեղեցին տոնում է Սուրբ Հարության տոնը, որին հաջորդում է Մեռելոցը։ ՀՀ վարչապետ Հովիկ Աբրահամյանը հաստատեց Դավիթ Հարությունյանի առաջարկը` մարտի 28-ը հաստատել ոչ աշխատանքային, ու դրա փոխարեն աշխատել ապրիլի 2-ին։
Դավիթ Հարությունյանը ներկայացրեց նաև, որ փոփոխություններ են նախապատրաստում «Տոների և հիշատակի օրերի» մասին օրենքում։ Արդյունքում` աշխատավորները տարվա մեջ երկու անգամ «երկար» արձակուրդ կունենան։
«Այս փոփոխության հաշվին մենք կունենանք դեպքեր, երբ ուրբաթ և երկուշաբթի օրերը կլինեն ոչ աշխատանքային, այսինքն` կունենանք 4 հանգստի օր»,-ասաց Դավիթ Հարությունյանը։
Վերջում նա ավելացրեց, որ վերանայում են նաև տոները։ Ըստ այդմ, որոշ տոն օրեր պատրաստ են փոխարինել աշխատանքայինով։ Իսկ որոշ նոր տոներ առաջարկելու են դարձնել ոչ աշխատանքային։
