ԵՐԵՎԱՆ, 17 մարտի- Sputnik. Հայաստանի խորհրդարանը երկրորդ և վերջնական ընթերցմամբ հավանություն տվեց «Ավելացված արժեքի հարկի մասին» օրենքում փոփոխություններ կատարելու նախաձեռնությանը, որոնցով չեղյալ կհայտարարվեն մաքսատուրքերն այն ֆիզիկական անձանց համար, որոնք ավտոմեքենա են ներկրում Եվրասիան տնտեսական միության երկրներից։ ԱԱՀ չի գանձվի այն քաղաքացիներից, որոնք տարվա ընթացքում մեկ ավտոմեքենա կներկրեն, երկրորդ ավտոմեքենայի դեպքում նրանցից հարկ կգանձվի։
104 պատգամավորից 103-ը «կողմ» քվեարկեց, մեկը` ձեռնպահ։ Նախաձեռնության հեղինակներն ակնկալում են, որ շտկումներն ուժի մեջ կմտնեն մարտի վերջին, երկրի նախագահը կվավերացնի ԱԺ-ի ընդունած փոփոխությունները։
Հայաստանի կառավարությունն ընդունել է Եվրասիական տնտեսական հանձնաժողովի պահանջը` ֆիզիկական անձանցից 20 տոկոսի չափով ԱԱՀ չգանձելու մասին, որոնք ավտոմեքենաներ են ներկրում ԵՏՄ երկրներից։ Ինչպես հայտարարել է ԵՏՀ ինտեգրացիայի և մակրոտնտեսության հիմնական ուղղություններով կոլեգիայի անդամ Տատյանա Վալովայան, ԱԱՀ գանձելու փորձը «առևտրային պատնեշ» է` արգելված ԵՏՄ պայմանագրով։
