ԵՐԵՎԱՆ, 16 մարտի — Sputnik. Զինված քաղաքացին ավազակային հարձակում է գործել Նոր Նորքի Գայի պողոտայում գտնվող սուպերմարկետի հարևանությամբ գտնվող տարադրամի փոխանակման կետի վրա: Այս մասին Sputnik Արմենիային հայտնեց ՀՀ ոստիկանության լրատվության և հասարակայնության հետ կապերի բաժնի աշխատակից Արմեն Մալխասյանը։
Նա մի քանի կրակոց է արձակել տարադրամի աշխատակցի ուղղությամբ և իր մեքենայով դիմել փախուստի:
Տուժողներ չկան, այս պահին կատարվում են որոնողական աշխատանքներ:
