ԵՐԵՎԱՆ, 14 մարտի — Sputnik. Հանրապետության տարածքում օդի ջերմաստիճանն առաջիկա երեք օրում աստիճանաբար կնվազի 10-12 աստիճանով, հայտնում է Հայպետհիդրոմետը։
Մարտի 15-ին ժամանակ առ ժամանակ շրջանների մեծ մասում, 16-17-ը Լոռիում, Տավուշում, Սյունիքում և Արցախում սպասվում են տեղումներ, լեռնային գոտիներում՝ ձյուն: 18-19-ը սպասվում է առանց տեղումների եղանակ:
Քամին՝ հյուսիս-արևմտյան՝ 2-7 մ/վրկ արագությամբ, 15-ին սպասվում է քամու ուժգնացում՝ 15-20 մ/վրկ արագությամբ:
Երևանում Մարտի 15-ին ժամանակ առ ժամանակ սպասվում է անձրև: 16-17-ը սպասվում է փոփոխական ամպամածություն, տեղումների հավանականությունը փոքր է: 18-19-ը սպասվում է առանց տեղումների եղանակ:
Մարտի 14-ին, 15-ին և 16-ին ցերեկային ժամերին ջերմաստիճանը 8-11 աստիճան տաքություն կկազմի։
