ԵՐԵՎԱՆ, 14 մարտի — Sputnik. Արծվիկ Մինասյանի հեռանալուց հետո Դաշնակցություն կուսակցությունից պատգամավոր է դարձել Կարեն Շահմուրադյանը, երկուշաբթի խորհրդարանի նիստը բացելով` ասաց Հայաստանի ԱԺ փոխխոսնակ Էդուարդ Շարմազանովը։
Արձանագրության համաձայն` ընտրացուցակում ՀՅԴ հաջորդ թեկնածու Կարեն Շահմուրադյանը դարձավ ԱԺ նոր պատգամավոր։
Շարմազանովը շնորհավորեց պատգամավորին ու արդյունավետ աշխատանք մաղթեց նրան։
Փետրվարի 24-ին ստորագրված ՀՅԴ-ՀՀԿ քաղաքական համաձայնագրի համաձայն` Դաշնակցությունը նախարարական երեք պորտֆել է ստացել։ ՀՅԴ-ին են վստահվել էկոնոմիկայի, տարածքային կառավարման, կրթության և գիտության ոլորտները, ինչպես նաև` Շիրակի և Արագածոտնի մարզպետների պաշտոնները:
Տարածքային կառավարման նախարար է նշանակվել Դավիթ Լոքյանը, կրթության և գիտության նախարար` Լևոն Մկրտչյանը, իսկ էկոնոմիկայի նախարար` Արծվիկ Մինասյանը։
