ԵՐԵՎԱՆ, 14 մարտի — Sputnik. Անկարայի կենտրոնում տեղի ունեցած հզոր պայթյունի հետևանքով բազմաթիվ մարդիկ են զոհվել, հայտնում է ՌԻԱ Նովոստին՝ հղում անելով NTV հեռուստաընկերությանը:
Զոհվել է 27 մարդ, 75-ն էլ վնասվածքներ են ստացել: Պայթյունը որոտացել է ավտոբուսների համար նախատեսված կանգառում, որը գտնվում է Թուրքիայի վարչապետի գրասենյակներից մեկի մոտ:
Ոստիկանության նախնական տվյալով՝ պայթել է երկու ավտոբուսի արանքում կանգնած մեքենան: Ավտոբուսներից մեկն ամբողջովին այրվել է:
Թուրքիայի վարչապետ Ահմեդ Դավութօղլուն շտապ խորհրդակցություն է հրավիրել ազգային անվտանգության ներկայացուցիչների հետ:
Ռոյթերս գործակալությունը հայտնում է, որ պայթյունի հեղինակը կարող է լինել Քրդստանի աշխատավորական կուսակցությունը կամ կուսակցության հետ կապ ունեցող մեկ այլ միավորում:
Անկարայի կենտրոնում պայթյուն է որոտացել
© AFP/ EROL UCEEM
