ԵՐԵՎԱՆ, 13 մարտի- Sputnik. Մոսկվայում ընթացող աշխարհի չեմպիոնի հավակնորդների մրցաշարում հայկական շախմատի առաջատար Լևոն Արոնյանը երրորդ տուրում հաղթեց բուլղարացի Վեսելին Տոպալովին։
Սա Լևոն Արոնյանի առաջին հաղթանակն էր այս մրցաշարում: Առաջին երկու տուրում հայ գրոսմայստերը խաղացել էր ոչ-ոքի և այժմ ունի 2 միավոր: Արոնյանը հավասարվեց առաջատարներ Վիշվանաթան Անանդին և ռուսաստանցի Սերգեյ Կարյակինին, որոնք երեք տուրից հետո վաստակել են 2-ական միավոր:
Երրորդ տուրում Անանդը սպիտակներով ոչ-ոքի խաղաց ամերիկացի Ֆաբիանո Կարուանայի հետ, իսկ Կարյակինը սև խաղաքարերով միավորը կիսեց հոլանդացի Անիշ Գիրի հետ:
