ԵՐԵՎԱՆ, 11 մարտի — Sputnik. ՀԱՊԿ-ն միջազգային ահաբեկչության հիմնական թիրախներից մեկն է, ասել է ՀԱՊԿ գլխավոր քարտուղար Նիկոլայ Բորդյուժան։
Նրա խոսքով` այսպես կոչված հիբրիդային պատերազմի շրջանակում իրականացվող ճնշման, ՆԱՏՕ-ի երկրների ռազմական խմբավորումների ուժեղացման հետ մեկտեղ անվտանգության համար լուրջ սպառնալիք է ներկայացնում ահաբեկչական ու ծայրահեղական խմբավորումների ակտիվացումը։ Նա նաև հիշեցրել է, որ ՀԱՊԿ-ի շրջանակում փորձագետների, ներքին գործերի մարմինների աշխատակիցների ու կազմակերպության մասնակից երկրների անվտանգության հատուկ աշխատանքային խումբ է գործում։
«Կազմակերպության անդամ պետությունների անվտանգության ապահովման գլխավոր գործիքներից մեկը կազմակերպության ուժային ներուժն է», — ավելացրել է Բորդյուժան։
ՀԱՊԿ-ն ստեղծվել է 2002թ.-ին, և այժմ կազմակերպության կազմում վեց պետություն է ընդգրկված`Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։ ՀԱՊԿ-ի անդամակցությունը Հայաստանի անվտանգության ապահովման բաղադրիչներից է, որն իրագործվում է անդամ պետությունների միջև բազմակողմ կապերի շնորհիվ։
