ԵՐԵՎԱՆ, 11 մարտի — Sputnik. Հայաստանի` ԵՏՄ-ին անդամակցելու ֆոնին վերջին շրջանում արդիական է դարձել տրասնպորտային ուղիների ստեղծման հարցը, Sputnik Արմենիա միջազգային մամուլի կենտրոնում կազմակերպված ասուլիսի ժամանակ ասաց ԱՊՀ տնտեսական զարգացման գործնական կենտրոնի գլխավոր տնօրեն Վլադիմիր Սավչենկոն։
«Հայաստանն ընդհանուր առմամբ կտրված է մաքսային ընդհանուր տարածքից։ Այդ հարցի շուրջ մտորելուց հետո պետք է ասել, որ Հայաստանի համար չափազանց կարևոր է տարանցումը։ Տարանցիկ երկրներ կարող են լինել և՛ Վրաստանը, և՛ Ադրբեջանը։ Մյուս բոլոր երկրներն էլ կարող են տարանցիկ դառնալ»,- ասաց Սավչենկոն` պատասխանելով Sputnik Արմենիայի հարցին։
Նրա խոսքով` շատ կարևոր է այն փաստը, որ Եվրասիական տնտեսական հանձնաժողովի ղեկավար Տիգրան Սարգսյանը Հայաստանի նախկին վարչապետն է և ԱՄՆ-ում նախկին դեսպանը։
«Կարծում եմ, որ մեզ կհաջողվի լուծել փակիչ արմատուրայի խնդիրը և Հայաստանից Ռուսաստան ու այլ երկրներ տարանցիկ ճանապարհով բեռնափոխադրման հարցերը»,- ասաց Սավչենկոն։
Նա ավելացրեց, որ հարցը սրվել է այն պատճառով, որ Ուկրաինան ձգտում է փակել տարանցիկ ճանապարհները, ուստի մասնագետները պետք է զբաղվեն այդ խնդրով, որը պետք է լուծվի համապատասխան կերպով` ամենաբարձր մակարդակում։
Սավչենկոյի խոսքով` Հայաստանի կողմից փակիչ արմատուրայի օգտագործումը կարող է դառնալ օրինականացված և բոլորի հետ համաձայնեցրած կանոն։
Հայաստանի տրանսպորտային ուղիների քննարկումը նախատեսված է առաջիկայում նախատեսված կարևոր միջոցառումների ժամանակ։ Մասնավորապես մարտի 18-ին Մոսկվայում ԱՊՀ-ի համար երկու կարևոր միջոցառում կանցկացվի` ԱՊՀ-ի տնտեսական խորհրդի 69-րդ նիստն ու «25 տարի միասին. գործակցության նոր ձևաչափեր» ԱՊՀ միջազգային տնտեսական համաժողովը։
ԵՏՄ-ն ստեղծվել է Մաքսային միության բազայի վրա և գործում է ընթացիկ տարվա հունվարի 1-ից։ ԵՏՄ անդամներն են Հայաստանը, Բելառուսը, Ղազախստանը, Ղրղըզստանը և Ռուսաստանը։ Ղազախստանը 2016թ.-ին նախագահում է ԵՏՄ մարմիններում` գերագույն Եվրասիական տնտեսական խորհրդում, Եվրասիական միջկառավարական խորհրդում և Եվրասիական տնտեսական հանձնաժողովի խորհրդում։
