ԵՐԵՎԱՆ, 11 մարտի — Sputnik. Հայաստանում մարտի 11-ի գիշերը, 12-13-ը, 14-ի գիշերը, սպասվում է առանց տեղումների եղանակ, 11-ի օրվա երկրորդ կեսին շրջանների մեծ մասում սպասվում է կարճատև անձրև, 14-ի ցերեկը, 15-ին ամենուրեք ժամանակ առ ժամանակ սպասվում են տեղումներ, լեռնային շրջաններում՝ ձյուն, հայտնում է ՀՀ արտակարգ իրավիճակների նախարարությունը:
Քամին կլինի հարավ-արևմտյան՝ 2-7 մ/վրկ արագությամբ:
Օդի ջերմաստիճանը 14-ի ցերեկը, 15-ին կնվազի 8-10 աստիճանով:
Երևանում մարտի 11-ի գիշերը, 12-13-ը, 14-ի գիշերը սպասվում է առանց տեղումների եղանակ, 11-ի օրվա երկրորդ կեսին հնարավոր է կարճատև անձրև, 14-ի ցերեկը, 15-ին ժամանակ առ ժամանակ սպասվում է անձրև:
Այսօր մայրաքաղաքում ցերեկը սպասվում է 16-18, գիշերը` 7-9 աստիճան տաքություն:
