ԵՐԵՎԱՆ, 10 մարտի — Sputnik. Հայաստանի նախագահ Սերժ Սարգսյանը շնորհակալություն է հայտնել ՌԴ նախագահ Վլադիմիր Պուտինին այն ջանքերի համար, որ Ռուսաստանը ներդրել է Ղարաբաղյան հարցի կարգավորման գործում։
«Ցանկանում եմ շնորհակալություն հայտնել անձամբ Ձեզ այն ջանքերի համար, որ Ռուսաստանը ներդնում է Լեռնային Ղարաբաղի հակամարտության լուծման համար։ Մենք հավատարիմ ենք հակամարտության խաղաղ կարգավորմանը»,- ասել է Սարգսյանը։
Ղարաբաղյան խնդրով զբաղվում է ԵԱՀԿ Մինսկի խումբը, որի համանախագահներն են Ռուսաստանը, ԱՄՆ-ն և Ֆրանսիան։ Խմբում ընդգրկված են նաև Հայաստանը, Ադրբեջանը, Բելառուսը, Գերմանիան, Իտալիան, Շվեդիան, Ֆինլանդիան և Թուրքիան։
