ԵՐԵՎԱՆ, 10 մարտի- Sputnik. Ռուսաստանի Դաշնության Պետդումայի խոսնակ Սերգեյ Նարիշկինը մարտի 11-12-ին կայցելի Հայաստան, հաղորդում է Պետդումայի պաշտոնական կայքը։
Հայաստանում Նարիշկինը, ով նաև Հավաքական անվտանգության պայմանագրի կազմակերպության խորհրդարանական վեհաժողովի նախագահն է, կանցկացնի ՀԱԿՊ ԽՎ խորհրդի նիստ։
Ինչպես նախկինում հայտարարել էր ՀԱՊԿ ԽՎ անվտանգության և պաշտպանության հարցերի մշտական հանձնաժողովի նախագահ Անատոլի Վիբորնին, ռուս խորհրդարանականները մտադիր են ՀԱՊԿ ԽՎ գործընկերների հետ քննարկել միջազգային ահաբեկչության դեմ պայքարի և ծայրահեղական սպառնալիքներին հակազդելու հարցեր։
Ավելի վաղ հաղորդվել էր, որ ՀԱՊԿ ԽՎ արտագնա նիստը տեղի կունենա Երևանում
ՀԱՊԿ-ի մեջ մտնում են Ռուսաստանը, Հայաստանը, Բելառուսը, Ղազախստանը, Ղրղըզստանը և Տաջիկստանը։
