ԵՐԵՎԱՆ, 10 մարտի — Sputnik. Ուրբաթ` մարտի 11-ին, ժամը 12:00-ին, Sputnik Արմենիա միջազգային մամուլի կենտրոնում («Իմպերիում պլազա» բիզնես կենտրոն, Ամիրյան 4/7, 4-րդ հարկ) կկազմակերպվի մուլտիմեդիան ասուլիս` «ԱՊՀ-ի շրջանակում տնտեսական համագործակցության նոր հնարավորությունները» թեմայով։ Ասուլիսը կանցկացվի Երևան-Աստանա-Քիշնև տեսակապի միջոցով։
Միջոցառման ընթացքում կխոսվի ԱՊՀ տնտեսական խորհրդի օրակարգի, ինչպես նաև մինչև 2020 թվականը ԱՊՀ-ի պետությունների ինովացիոն համագործակցության միջպետական ծրագրի մասին։ Մասնակիցները կքննարկեն նաև իրատեսական նորարարական ու ներդրումային նախագծերը, որոնք կարող են իրականացվել Համագործակցության շրջանակում, ներառյալ` ԱՊՀ, ԵՏՄ և «Մետաքսի ճանապարհի տնտեսական գոտու» նախագծերի զուգակցումը։
Մոսկվայում միջոցառմանը կմասնակցեն`
— ԱՊՀ գործադիր կոմիտեի տնտեսական համագործակցության դեպարտամենտի տնօրեն Անդրեյ Կուշնիրենկոն,
— ԱՊՀ տնտեսական զարգացման գործնական կենտրոնի գլխավոր տնօրեն Վլադիմիր Սավչենկոն։
Երևանի, Քիշնևի և Աստանայի ԶԼՄ-ների ներկայացուցիչները կկարողանան ստանալ իրենց հետաքրքրող հարցերի պատասխանները։
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան, հեռ.` (094) 18-33-77։
