ԵՐԵՎԱՆ, 10 մարտի — Sputnik. Դեպքի վայր է մեկնել ՀՓՋ-ի օպերատիվ խումբը:
Դեռևս չբացահայտված հանգամանքներում Մ-2 ավտոճանապարհի Երեւան-Մեղրի 80-րդ կմ-ում «Օպել» մակնիշի ավտոմեքենան դուրս է եկել երթևեկելի մասից և մոտ 250 մ գլորվել ձորը, ինչի հետևանքով վարորդն ու ուղևորը տեղում զոհվել են:
Մինչ հրշեջ-փրկարարների կանչի վայր հասնելը ավտոմեքենայի երեք ուղեւորները հոսպիտալացվել են Արարատի բժշկական կենտրոն։ Նրանցից մեկը հոսպիտալացման ճանապարհին մահացել է:
Բժիշկները հիվանդանոց տեղափոխված ուղևորներից մեկի առողջական վիճակը գնահատել են ծանր¸ իսկ մյուսինը՝ միջին ծանրության:
Փրկարարները դիերը դուրս են բերել ձորից և հանձնել շտապօգնության աշխատակիցներին:
