Տեսակամուրջ` «Ռուսաստան-Հայաստան-Վրաստան. տնտեսական գործակցության հեռանկարները» թեմայով

ԵՐԵՎԱՆ, 9 մարտի — Sputnik. Հինգշաբթի` մարտի 10-ին, ժամը 15:00-ին, Sputnik Արմենիա միջազգային մամուլի կենտրոնում («Իմպերիում պլազա» բիզնես կենտրոն, Ամիրյան 4/7, 4-րդ հարկ) տեղի կունենա Մոսկվա-Երևան-Թբիլիսի տեսակամուրջ` «Ռուսաստան-Հայաստան-Վրաստան. տնտեսական գործակցության հեռանկարները» թեմայով։

Ռուսաստանի նախագահ Վլադիմիր Պուտինը 2015 թվականի դեկտեմբերին ամենամյա մամուլի ասուլիսի ժամանակ հայտնել է Ռուսաստանի ու Վրաստանի դիվանագիտական հարաբերությունների կարգավորման աշխատանքները սկսելու պատրաստակամության մասին։ Միջոցառման շրջանակում խոսք կլինի Ռուսաստանի, Հայաստանի ու Վրաստանի տնտեսական համագործակցության հեռանկարների մասին։

Մոսկվայում միջոցառմանը կմասնակցեն`

— ՌԴ Պետդումայի նախագահի խորհրդական Միխայիլ Կրոտովը,

— ՌԴ Պետդումայի պատգամավոր Վիտալի Զոլոչևսկին,

— Մաքսային միության մատակարարների ասոցիացիայի նախագահ Օլեգ Նոգինսկին,

— ԱՊՀ երկրների ինստիտուտի տնտեսագիտության բաժնի ղեկավար, ՌԳԱ տնտեսագիտության ինստիտուտի առաջատար գիտաշխատող Ազա Միհրանյանը,

— «Ռուսաստան-Կովկաս» աշխարհաքաղաքական կենտրոնի տնօրեն Նիկոլայ Բանինը.

— «Երիտասարդական պալատ» երիտասարդական նախաձեռնության աշխատակազմի ղեկավար Ալեքսեյ Կարպենկոն։

— Մոդերատոր` «Եվրասիական ընտրություն» ՄՀԿ նախագահ Ռոման Շկոլինը։

Երևանում`

— Հայաստանի Ազգային ժողովի պատգամավոր Մհեր Շահգելդյանը,

— Հայաստանի Ազգային Ժողովի պատգամավոր Հայկ Բաբուխանյանը։

Թբիլիսիում`

— Կովկասի իսլամական հետազոտությունների կենտրոնի տնօրեն Շոթա Ափխաիձեն,

— Եվրասիայի ինստիտուտի ղեկավար Գուլբաաթ Ռցխիլաձեն

Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։

Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան, հեռ.` (094) 18-33-77։