Ամուր գետի ափին սելֆի անելու պատճառով 14 և 15 տարեկան աղջիկները հազիվ են փրկվել փորձանքից. ընկերուհիները հայտնվել են լողացող սառույցի վրա, և հոսանքը քշել-տարել է սառցակտորը։ Դիտեք փրկարարական գործողության կադրերը
ՌԴ ԱԻՆ աշխատակիցները հրապարակել են դեռահաս աղջիկներին փրկելու տեսանյութը։ Ruptly գործակալության տեղեկություններով` աղջիկները ցանկացել են լուսանկարվել գետի ֆոնին, իսկ երբ կանգնել են սառույցի վրա, այն պոկել է և հեռացել ափից։
Փրկարարները մոտորանավակով տարհանել են դեռահասներին, գործողությունը հաջող է անցել։
Սելֆիի սիրահարները հաջող կադր ստանալու համար հաճախ են հայտնվում տհաճ, երբեմն էլ կյանքի համար վտանգավոր իրավիճակներում։ «Ֆոնտանկա» թերթի տվյալով` մարտի 5-ին Սանկտ Պետերբուրգում սուրբ Եկատերինայի կաթոլիկ տաճարի տանիքից տղամարդ էր ընկել։ Նա տաճարի տանիքին փորձել էր սելֆի անել, ինչը տխուր ավարտ էր ունեցել։
