ԵՐԵՎԱՆ, 9 մարտի- Sputnik. «Հայաստան. գոյության լեգենդ» ցուցահանդեսը, որի կբացվի Մոսկվայի պետական պատմական թանգարանում, առաջին անգամ լայն հանրությանը եզակի ցուցանմուշներ կներկայացնի Հայաստանի երեք առաջատար թանգարանից։ Ցուցահանդեսը երկրի հարուստ մշակութային ավանդույթներին ավելի լավ ծանոթանալու հնարավորություն կտա, հաղորդում է tvkultura.ru-ն։
Այժմ Մատենադարանի մասնագետները պատմական թանգարանի աշխատողներին են հանձնում արժեքավոր ցուցանմուշները, որոնց թվում աստվածաշունչ ու աղոթագիրաղոթագիրք կա։ Ամենահին ցուցանմուշը թվագրվում է VII դարին։
Հայաստանի պատմության թանգարանի ցուցանմուշներն արդեն դասավորված են։ Ամենարժեքավորը մ.թ.ա XXII դարի արծաթե գավաթ է։ Նման գավաթները եզակի են աշխարհում։ Այն գտել են Քարաշամբի թագավորական դամբարանում 1980-ականների վերջին։ Զարդարված է բազմաշերտ պատկերներով, որոնց վրա պատկերված է անհայտ թագավորներից մեկի կյանքը` որս, պատերազմ, թագավորական խնջույք, զոհաբերություն։
«Սա եզակի և չափազանց ինֆորմատիվ իր է։ Նույնիսկ պատկերված զենքերից քանակը կարելի է դասակարգել, որովհետև ամեն ինչ շատ հստակ է պատկերված»,- պատմում է Պատմական թանգարանի հնագիտական հուշարձանների բաժնի վարիչ Ալեքսանդր Մոշինկսին։
Հայաստանի պատմության թանգարանից Մոսկվա են տեղափոխվել մանրանկարչական սրբապատկերներ, մ.թ.ա II դարավերջի Աֆրոդիտե աստվածուհու մարմարե քանդակը, Ուրարտուի թագավորության ժամանակաշրջաների սաղավարտ, վահան և կապարճ` զարդարված գրություններով և պատկերներով։
«Այս իրերը չափազանց հազվագյուտ են։ Պատկանում են բրոնզե դարաշրջանին` մ.թ.ա. II հազարամյակի կես։ Պատրաստված են շատ բարդ տեխնոլոգիայով»,- ասել է Ալեքսանդր Մոշինսկին։
Ցուցահանդեսում ներկայացվելու են նաև եկեղեցական իրեր սուրբ Էջմիածնի թանգարանից։ Գլխավոր ցուցանմուշը կդառնա 1746թ.-ի խաչը` սուրբ Գեորգի Պոբեդոնոսեցի մասունքներով։ Պատմական թանգարանի սրահներում ներկայացվելու է 160 ցուցանմուշ, որոնք ներկայացնելու են երկրի զարմանահրաշ պատմությունն ու լեգենդները։
