ԵՐԵՎԱՆ, 7 մարտի —Sputnik. Չինաստանի Սիան քաղաքի բարձրահարկ շենքերից մեկում վերելակ նորոգող մասնագետները կնոջ դիակ են հայտնաբերել, գրում է RT-ն։
Չինաստանի իրավապահ մարմինների տեղեկատվության համաձայն` կինը շուրջ մեկ ամիս փակված է մնացել վերելակում։ Այժմ հետաքննություն է անցկացվում։ Մասնագետները փորձում են պարզել, թե շենքը սպասարկող անձնակազմն ինչու կնոջն ավելի շուտ դուրս չի բերել վերելակից։
Վերելակը խափանվել է հունվարի վերջին, իսկ այն նորոգելու աշխատանքները սկսել են մարտի 1-ին։ Աշխատողները հայտնաբերել են քաղցից մահացած 43 տարեկան կնոջ դին։
Վերելակի խցում նշաններ են եղել, որոնք ապացուցում են, որ կինը փորձել է ինչ-որ կերպ հայտնել իր մասին։
