ԵՐԵՎԱՆ, 7 մարտի — Sputnik. Ֆունցզյան նահանգի Տուն-ան քաղաքում 19 տարեկան երիտասարդն իր աղջկան վաճառել է 3500 դոլարով, որպեսզի ստացված գումարից iPhone ու մոտոցիկլետ գնի, հայտնում է НТВ-ին` հղում անելով չինական ԶԼՄ-ներին։
Մեկ տարի առաջ 18 օրական իր դստերը երիտասարդ տղամարդն առանց կնոջ համաձայնության վաճառել է։ Գործարքի արդյունքում տղամարդը ստացել է 23 հազար յուան (շուրջ 3500 դոլար)։
Երիտասարդ հայրը գնորդին գտել է համացանցով։ Գնորդը նպատակ ուներ աղջկան սեփական քրոջը փոխանցել։
Սակայն շուտով վաճառողն, իր մեղքը խոստովանելով, ինքնակամ ներկայացել է ոստիկանություն։ Դատարանը տղամարդուն դատապարտել է 3.5 տարվա ազատազրկման։ Երեխայի մոր խոսքով` ինքը չգիտեր, որ երեխայի վաճառքն անօրինական է։
ԶԼՄ-ները նշում են` քանի որ մեղադրյալ ծնողները չեն կարողանում զբաղվել սեփական դստեր դաստիարակմամբ, աղջիկը մինչ օրս մնում է գնորդի քրոջ մոտ։
