ԵՐԵՎԱՆ, 6 մարտի — Sputnik. Մարտի 6-ին, ժամը 07:30-ին Սևանա լճում վերսկսվել են որոնողական աշխատանքները և ժամը 09:39-ին տեղեկություն է ստացվել, որ ժամը 09:37-ին Սևանա լճում՝ ափից մոտ 5 կմ հեռավորության վրա, ջրափրկարարները ջրից դուրս են բերել 1974թ.-ին ծնված Ա. Վ.-ի դին:
Ձկնորսներն անհետացել էին մարտի 4-ին: Ահազանգ էր ստացվել այն մասին, որ նրանք Գեղարքունիքի մարզի Նորատուս գյուղի մոտակա ափից դուրս են եկել Սևանա լիճ` ձկնորսության, և չեն վերադարձել: Դեպքի վայր էր մեկնել ՄՓՎ ՕԽ-ն, ՀՋՋ-ի նավը և մեկ մարտական հաշվարկ (ջրափրկարար):
Ժամը 19.14-ին մթության պատճառով որոնողական աշխատանքները դադարեցվել էին: Մարտի 5-ին, ժամը 09։15-ին Սևանա որոնողական աշխատանքները վերսկսելու նպատակով դեպքի վայր էր մեկնել ՄՓՎ օպերատիվ խումբը՝ ջրափրկարարներով՝ փ/ծ գնդապետի գլխավորությամբ:
