ԵՐԵՎԱՆ, 6 մարտի — Sputnik. Բրիտանացի մասնագետների հետազոտությանը շուրջ երկու հազար մարդ է մասնակցել:
Պարզվել է, որ մարդիկ իրենց ֆիզիկական կարողությունները գերազանց են գնահատում մոտավորապես 30 տարեկանում: Հարցման մասնակիցները վստահեցնում են, որ սեռական կյանքի համար լավագույն տարիքը 32 տարեկանն է, իսկ լուրջ հարաբերությունների համար՝ 40-ը, գրում է Independent-ը:
Մարդիկ նշել են, որ կարիերայի բարձրակետին են հասել 38 տարեկանում, շատերն էլ միայն 42 տարեկանում են հասել աշխատավարձի ցանկալի մակարդակին:
Բրիտանացի մասնագետների հետազոտությունը ցույց է տվել.
առողջության առումով լավագույն տարիքը 30 տարեկանն է,
նյութական ապահովվածության առումով՝ 47 տարեկանը,
ամենաերջանիկ տարիքը՝ 39 տարեկանը,
ֆիզիկական պատրաստվածության առումով՝ 31 տարեկանը,
կարիերայի առումով՝ 38 տարեկանը,
սեռական կյանքի առումով՝ 32 տարեկանը,
լուրջ հարաբերությունների առումով՝ 40 տարեկանը,
Սիրո և զուգընկերոջ փնտրտուքի առումով՝ 32 տարեկանը:
