ԵՐԵՎԱՆ, 6 մարտի- Sputnik, Անի Լիպարիտյան. Դիման Բիլանն Instagram-ի իր էջում լուսանկար է հրապարակել, որում նա նստած է Հայոց ցեղասպանության զոհերի հիշատակի հավերժի կրակի մոտ:
Հայտնի երգիչն իր տպավորությունները ներկայացրել է սոցիալական ցանցերում:
«Երևանի գարունը Մոսկվայի ամառը հիշեցրեց: Ես «Ֆոտոբանկ» մտա, որ հիշեմ՝ Մոսկվայում երբևէ ամառ եղե՞լ է: Այնպես եմ ուզում, որ ռուսաստանցիների գլխում պտտվող ծանր մտքերը ցրվեն տարվա ամենագեղեցիկ եղանակի ազդեցության տակ»,- գրել է Բիլանը Twitter-ի իր պաշտոնական էջում:
Instagrami-ի ակտիվ օգտատերերն արդեն հասցրել են մեկնաբանություններ թողնել երգչի լուսանկարի տակ:
#вижу #Ереван https://t.co/wverGDwJ3x pic.twitter.com/cZnQARmQdR
— Dima Bilan (@BilanOfficial) 5 марта 2016 г.
«Շնորհակալություն: Հարգանքներս»,- գրել է երգչին annahovner օգտատերը:
«Շնորհակալություն, որ այցելել եք Ծիծեռնակաբերդ»,- գրում է lil_sag-ը:
«Ստացված լուսանկար է: Ձեր դեմքն իդեալական է: Հիշողության լաբիրինթոսում… Անսովոր է և հետաքրքիր, ինչպես միշտ»,- մեկնաբանել է լուսանկարը anastasiya_zaslavskaya-ն:
Շատերն էլ ընդհանրապես չեն հասկացել, թե երգիչը որտեղ է լուսանկարվել, և պարզապես հիացմունք են արտահայտել:
«Ինչ գեղեցիկ է: Կարծես ֆանտաստիկ ֆիլմում լինի»,- գրել է _jully_n օգտատերը:
Հայ օգտատերերն ու լավատեղյակ մարդիկ բացատրել են, որ լուսանկարն արվել է Հայոց ցեղասպանության զոհերի հուշահամալիրի մոտ:
Բիլանը հասցրել է լուսանկարվել նաև Վերածնված Հայաստան կոթողի մոտ, որը զարդարում է Երևանի կասկադի վերին հատվածը և հետաքրքիր գրություն է թողել նկարի տակ:
Сильнейшая энергетика здесь! #Ереван #вижу https://t.co/frfLgKdnT9 pic.twitter.com/nBqHOElbxC
— Dima Bilan (@BilanOfficial) 5 марта 2016 г.
«Այստեղ հզոր էներգետիկա կա»,- գրել է երաժիշտը:
Ի դեպ, Երևանում նկարված գրեթե բոլոր տեսանյութերն ու լուսանկարները Բիլանը բավական ինքնատիպ հեշթեգերով է նշել՝ #вижу #Ереван:
