ԵՐԵՎԱՆ, 4 մարտի — Sputnik. Չորեքշաբթի` մարտի 9-ին, ժամը 11:00-ին Sputnik Արմենիա միջազգային մամուլի կենտրոնում («Իմպերիում պլազա» բիզնես կենտրոն, Ամիրյան 4/7, 4-րդ հարկ) տեղի կունենա Ազգային ժողովի նախագահի տեղակալ Էդուարդ Շարմազանովի՝ «Հայաստանի ներքին և արտաքին քաղաքականության վերջին զարգացումները» թեմայով ասուլիսը։
Էդուարդ Շարմազանովը վերջերս է աշխատանքային այցով եղել Բեռլինում: Բունդեսթագում, ի թիվս մի շարք այլ հարցերի, քննարկվել է նաև Հայոց ցեղասպանության մասին բանաձև ընդունելու հարցը:
Արտաքին քաղաքականության արդիական հարցերից է նաև ՀԱՊԿ Խորհրդարանական վեհաժողովի խորհրդի նիստը: Էդուարդ Շարմազանովը վեհաժողովում ՀՀ Ազգային ժողովի պատվիրակության ղեկավարն է: Նիստը, որն անցկացնելու է ՀԱՊԿ Խորհրդարանական վեհաժողովի նախագահ, ՌԴ Պետդումայի Դաշնային խորհրդի նախագահ Սերգեյ Նարիշկինը, անցկացվելու է մարտի 11-12-ը:
Ասուլիսի ընթացքում կքննարկվեն նաև հարցեր՝ քաղաքական նոր կոալիցիայի համաձայնագրի ու Հայաստանի ընտրական նոր օրենսգրքի վերաբերյալ:
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան, հեռ.` (094) 18-33-77։
