ԵՐԵՎԱՆ, 4 մարտի — Sputnik. ՀՀ նախագահ Սերժ Սարգսյանի հրամանագրով Լիբանանում Հայաստանի դեսպանի պաշտոնից ազատվել է Աշոտ Քոչարյանը:
ՀՀ նախագահի մամուլի գրասենյակից հայտնում են, որ համապատասխան հրամանագրում նշվում է.
«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 8-րդ կետով`որոշում եմ.
Աշոտ Քոչարյանին ազատել Լիբանանի Հանրապետությունում Հայաստանի Հանրապետության արտակարգ և լիազոր դեսպանի պաշտոնից»:
Մեկ այլ հրամանագրով Լիբանանի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Բեյրութ) է նշանակվել Սամվել Մկրտչյանը:
