ԵՐԵՎԱՆ, 4 մարտի — Sputnik. ԱՄՆ Զորջիա նահանգի ներկայացուցիչների պալատն ընդունել է Արցախի Հանրապետությունը (ԼՂՀ) ճանաչող բանաձև, հայտնում է ԱԳՆ մամուլի ծառայությունը։
«Ջորջիա նահանգի ներկայացուցիչների պալատի 1580 բանաձևը ճանաչել է ԼՂՀ անկախությունը և կոչ է անում միջազգային հանրությանը` նույնպես ճանաչել ԼՂՀ-ն` որպես ազատ, անկախ ու ինքնիշխան պետություն», — նշել են ԱԳՆ-ից։
Բանաձևի հեղինակներն են ներկայացուցիչների պալատի անդամներ Փեթ Գարդներն ու Դեմետրիուս Դուգլասը:
Ջորջիան դարձավ ԱՄՆ վեցերորդ նահանգը, որը ճանաչել է ԼՂՀ-ի անկախությունը։ Մինչ այդ ճանաչման մասին բանաձև էին ընդունել Կալիֆորնիան, Լուիզիանան, Ռոդ Այլենդը, Մասաչուսեթսն ու Մենը։
