ԵՐԵՎԱՆ, 3 մարտի-Sputnik. Լևոն Յոլյանը հերքում է այն դիտարկումները, թե նախարարի պաշտոնն իրեն տրվել է որպես փոխհատուցում։
«Ես շտաբում աշխատել եմ 2011 թվականից, եթե ձեր ասածի պես լիներ, ուրեմն ես կնշանակվեի 2012 թվականին»,-ասաց Յոլյանը։
Նախարարը վստահեցրեց, որ ոլորտում լուրջ ու բարդ խնդիրներ կան, այնուհետև հիշեցրեց իր խոստման մասին, որ աշխատանքային գործունեության ընթացքում լինելու է հրապարակային ու թափանցիկ։ Հարցին, թե նախարարին չի մտահոգում Հայաստանում հոսանքի թանկ լինելը, Յոլյանը պատասխանեց.
«Որպես քաղաքացի ու նախարար շատ կցանկանամ, որ հոսանքը լինի շատ մատչելի, կփորձեմ ու կուսումնասիրեմ, հետո նոր խոստումներ կտամ ձեզ։
Ի դեպ, նախարարը Հանրապետական կուսակցության անդամ չէ։ Ասում է` ունի համապատասխան մոտեցումներ և, բացի կոմունիստական կուսակցությունից, որի շարքերը համալրել է ուսանողական տարիներին, այլևս ոչ մի կուսակցության անդամ չի եղել։
